BJP Bodol ni hakotor rwk president JP Nadda ni dagimung bai no sangrong salo All India General Secretary Arun Singh kaisa notification ni bising twi hakotor ni kai dok haste ni pravary chongjakmani koktwma no sakhwlai rikha. 18 Loksobha chongmari paimani yagulo waitham ni montri bokhorok wngkha Narendra Modi. Aboni logi Kendra haphang ni puila budget sakhwlaijakha. Aroni bisingo bodol no teibu kwrak khwlainani samung bo khwlaiwi no tongo BJP bodol. Aboni bagwi no hakotor ni kai dok haste ni pravary tei yakchu pravary chongkha. Bodol ni hakotor rwk BJP ni president JP Nadda ni dagimung bai no sangrong salo All India General Secretary Arun Singh kaisa notification ni bising twi hakotor ni kai dok haste ni pravary chongjakmani koktwma no sawi rikha. Pravary chongjakmani haste rok wngkha Assam, Chandigarh, Lakshadweep, Rajasthan, Tamil Nadu tei Tripura. Assam haste ni pravary chongjakha Harish Dwivedi, Chandigarh ni pravary chongjakha Atul Gargke, Lakshadweep ni pravary chongjakha Arvind Menon, Aboni logi Arvind Menon no Tamilnadu ni bo pravary chongjakha. Rajasthan ni pravary chongjakha MP Radha Mohan Das Aggarwal. Tripura haste ni pravary chongjakha Dr. Rajdeep Roy. Rajasthan tei Tamilnadu oh khorok sa khwlaiwi yakchu pravary chongjakha. Rajasthan ni yakchu pravary chongjakha Vijaya Rahatkar. Tei baisa bwkgak Tamil Nadu ni yakchu pravary chongjakha Sudhakar Reddy.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
