Agartala MBB Birkhung khola no International birkhung khola hinwi sakhwlaijaknani tei Immigration check post no phiyogmano khobui birkhung khola naikolmani system no teibu modern khwlainano twiwi sangrong salo parliament oh kok narukkha MP Biplab Kumar Deb. Tripura haste ni birkhung khola ni bisingo oh birkhung khola no joto ni sai kotor. Agartala ni birkhung khola no 2022 bisi oh montri bokhorok Narendra Modi ni yak ramwi phiyogwi rijakha. Bangladesh ni Dhaka, Chattogram eba Sylhet oh thangnani bagwi International flight connections swnamnani bagwi haste haphang ni bwkhak twi 18.85 crore rang Airport of India no rijakha. Kendra haphang 2023 bisi ni 4 january ni salmari oh MBB Birkhung khola no International birkhung khola hinwi sakhwlai rikha. Aboni logi joto service rokno chengsanani bagwi koikha bo. Asalo Ministry of Home Affairs no koikha bo, Maharaja Bir Bikram Birkhung khola no International birkhung khola hinwi sakhwlaiwi dakti dakti no service rokno chengsana bagwi koikha. Khursathai kwlai oh kendra ni rangthong montri Nirmala Sitaraman budget sakhwlaimano twiwi swrang salo parliament oh kok narukkha Loksobha ni MP Biplab Kumar Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
