Dharmanagar ni municipal council ni chairman Pradyot Dey Sarkar no kebengwi puito chaya hinwi khorang tisakha muncipal council ni Councilor rok. Swrang salo municipal council ni 25 Councilor ni bisingo 21 councilor rok no anastha bwlai oh soi riwi Dharmanagar municipal council ni chief executive officer Shyamjoy Jamatia ni thani joma rikha. Abono twiwi thanai saltham ramwi municipal council ni joto samung humung rok mwthakjagwi tongkha. Swrang salni sarigo 21 councilor rok anastha bwlai joma rimani yagulo hangkhor naikolnai ni bwkhak twi sakhwlaijakha je, Pradyot Dey Sarkar municipal council ni chairman wngwi tei samung khwlaiwi mangwlak hinwi. Aboni yagulo Pradyot Dey no sungjakmani yagulo bo sakha, hangkhor naikolnai ni bwkhak twi dagimung phaiyasak oh anastha no maniwi naharwi mangwlak hinwi sakha bo. Aboni logi pradesh BJP ni bwkhak twi je dagimung rijaknai abono no maniwi naharnai bo. Anastha ni patimungno twiwi sangrong salo koktwma thumnai rokni bwskango Dharmanagar ni municipal council ni chief executive officer Shyamjoy Jamatia no sungmani yagulo bo sakha, tamoni bagwi chairman no kebengwi anastha tubujakha abono twiwi bo sawi manyakhu. Phiyabha hangkhor naikolnai ni bwkhak twi oh anastha no tabok phano yachagwi naharjakyakhu.Tabok abono naijaknai tongsi oh je, municipal council ni chairman no kebengwi tisajaka anastha bwswk jora twi samungo phwnangjaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
