Gandacherra ni pati mwng o kwbang ma boork no nok yakarwi sibir o tong nani nangwi tongkha, tei aissbir o college ni rwng swrung nai teu swrung nai jwk song bo tong o, borok ah sibir o tongwi lekha pora khwlai nani kosto ungwi tong kha, abo hai jora rogo borok ni exam bo gana phawi tong kha, tei rwng swrung nai rok Tripura University Authority tei State Education Department ni thani borok ni amjwk mwng usul nani bagwi koimwng khwlai kha. Lai thanai 12 july salmari o kaisa pati mwng no twi gandacherra bwkhaste o habar tungphulai mani nukjakha, ah salnisanja jora o no samwng hamya khwlainai rok kwbangma loku rok ni nok nwkhung rogo hor phunagwi rwkha, ah hor nangmani o gandacherra sarkari college ni khorok sini rwng swrung nai ni boi,khata,college ni ri ni logi nangkuk mani manwi khamwi thang kha, tabuk nok ni loku rok bai rwng swrung nai tei swrung nai jwk song bo gandacherra rwng nok kotor o thangwi sbir o tongwi tong o.rwng swrung nai rok sakha oh sibir o achugwi kebo lekha pora khwlawi manya ungwi tongkha, abo hai jora rogo rwng swrung nai rok Tripura University Authority tei State Education Department ni thani borok ni amjwk mwng usul nani bagwi koimwng khwlai kha, sathai khwlai o phai tong nai 24 juky salmari ni simi college ni final exam cheng jak nai, amjwk mwng usulya khe rwng swrung nai rok deramwng o kwlai nai, tabuk nahar mwng Tripura University Authority ni bwkhak twi tamo sep nahar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
