Chengwi rwjakha parliament ni badal adibeshan, khuna parliament o pesh khwlainai kendriya budget, tang salo adibeshan cheng nani swkang parliament ni phasing montri bokhorok Narendra modi dagiphang tei hakotor ni loku rok ni bagwi kok narugkha. Parliament o badal adibeshan chengwi rwjakha tini ni simi, montri bokhorok Narendra modi budget adibeshan cheng nani swkang sakha, tini bangla sraban tal ni puila tang sal, abo hai kwthar salo nangkuk mani adibeshan chengwi rwjakha, tini ni salo hakotor ni loku rok no kha kaham yapharo. bisi dok chi ni ulo wai tham ni bagwi khator jak mani hapang phai kha budget pesh khwlaina bagwi. bharat ni democracy o abo hai pati mwng kaisa laibuma. ang hakotor ni loku rok no je kok rwmani bao hai khe twruk twruk khee kwchug o kawi tongkha chung.chini bagwi bisi ba ni je sep phai kha tini ni budget o bisi ba ni bagwi samnwg ni naikolmwng tei oh budget o 2047 bisi, tei vikshit bhatar ni je emang abo soi ung nai. hakotor ni loku rok chung no chonghor kha bobohai khe hakotr ni mwng kwchug o karwni, bodol ni bagwi ya, oh parliament bodol ni bagwi ya, hakotor ni samwng ni bagwi.modi teibo sakha joto bodolni phasing naharwi phai tong nai bisi bwrui o bodol ni bagwi ya, hakotor ni bagwi samwng khwlawi di hwnui.hakotor ni joto dagiphangh rok no ang koimwng khwlai o lai thanai january tal ni simi je mansak samwng khwlai kha, loku rok no je sana ni tong mani abo sakha, kebo ba kaham lama phunug kha kebo ba deramwng rogo khiklai nani nai kha, abo rok tabuk paikha, hakotor ni loku rok phunugwi rwkha kaham hamya. tabuk bisi ba ni bagwi choba khwlawi hakotor ni mwng kwchug o karwna ni naikol mwng simi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
