Bihik no bwtharwi nok gana bolong bising ni buphang o khachirwoi rwkha hwnui kok silsamwng khwlaikha Badal debnath,kokti salni dipor jora Ranjit debbarma segun buphang o khachi jak Sabita tati ni mang kwthui nugwi mankha, pati mwng ni koktwma manwi phawi sokphai kha mohila thana ni sub inspactor Champa das. abo ni ulo aguli ni simi phawi sokphai kha forensic team.police ni wansuk mwng mang kwthui sal nwi ni kwcham hwnui. ah pati mwng no twi nwkhung ni hamjwk ni bwsai Badal debnath khorok nwi ni mwngui thana o dorbar bo khwlai kha,lai thanai pha salni sanja jora bin bihik amchaini no tong nai Binoy debbarma ni nogo thangkhe, aro o Binoy debbarma tei bini bayap Makhan debbarma khorrok nwi miliwi chuwak khariwi samwng sitra khwlai kha, ah phuru no kami ni tong nai khorok nwi khorok tham borok pati mwng no nugwi mankha hwnui sakha bwsai Badal debnath. ah patimwng ni ulo no cha sal ni phung o Sabita tati ni Binoy debbarma ni nogo thang mani nugwi mankha amchai ni loku rok. abo ni ulni simi no kwmajak tong mani nwkhung ni hamjwk.Sabita tati ni bwsai Badal debnath abo hai khe no police ni thani kok silsamwng khwlai kha.bihik bwthar jak mani pati mwng o gwdal jak samwng hamya khwlainai rokno kwrak khe satug mwng rwna ni bagwi sanlai mwng khwlai kha Badal debnath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
