Udaipur ni CPIM ni kwcham MLA ni nog bwskangni drain oh khorok sa borokni mangkwthwi mankha. Koktwma oh sawi mankha Udaipur Gomati palli amchaini lukorog morning walk khwlainani thangwi khorok sa borokni mangkwthwi drain oh kuphung chawi tongmani nugwi mankha, Aboni yagulo RK Pur thana oh koktwma horjakha. Police rok logi logi no phaiwi patimungno twiwi naicherna chengkha. Koktwma oh sawi mankha thwinai borokni mung Muktar Hossian, bini nog Chanban Masjid gana ni amchai oh hinwi saimankha. Thanai saltham ramwi kwmajak tongmani bo. Bini nukhungni borok rok dalbidal thai oh rutukmani yagulo bo manliya bono. Paithago phasalni phungo bini mangkwthwi no drain no mankha. Patimungni koktwma manwi patimung thai oh thangwi sagwikha bini nukhungni borok rok. Muktar Hossain ni mangkwthwi no kaplaikha bini nukhung ni borok rok. Aboni yagulo bini nukhungni borok rok koksilsakha je, Muktar no planning khwlaiwi bwtharkha. Police rok kaisa mamla yagu nawi naicherwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
