Phasalo Netaji Subhash Vidyaniketon ni 2024 bisi oh Madhyamik tei kwchuk madhyamik amjomungo wngkhari wngnai rokno borom yapharjakha. Asalni panda oh nogorai okra wngwi manjakha haste ni Governor Indrasena Reddy Nallu. Bono karwi bo manjakha rwngnog naikolnai committee ni president Rajib Bhattacharya. Asalni panda oh rwng swrwngnai swrwngnaijwk sngno sokat rijakha. Asalni panda oh kok narukna thangwi rwngnogni swrwngnai swrwngnaijwk sngno felicitated khwlaikha Nallu. Aboni yagulo bo teibu sakha, oh rwngnog 76 bisi kwcham, bisi brom brom no oh rwngnogni swrwngnai swrwngnaijwk sng kaham results khwlai oh. Abono karwi bo cultural program rogo bo manjagwi rwngnogni mungno kochogo tisawi tongo oh rwngnog ni swrwngnai swrwngnaijwk sng. Borokni thinangni hamari ni bagwi surikha Governor Indrasena Reddy Nallu. Panda oh kok narukna thangwi Netaji Subhash Vidyaniketon naikolnai committee ni president Rajib Bhattacharya sakha, Madhya siksha porisad ni results bai no rwngnogni swrwngnai swrwngnaijwk sngni laibuma swijago. Takwlai bisi ni madhyamik tei kwchuk madhyamik amjokmungo wngkhari wngnai rwng swrwngnai swrwngnaijwk sngni thinangni bagwi surikha bo. Asalni panda oh madhyamik tei kwchuk madhyamik amjokmungo wngkhari wngnai 387 rwng swrwngnai swrwngnaijwk sngni yagu sokat rijakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
