angrong salni phungo CPIM ni chakra ojama Samir Chakroborty oh swngchar no yakarwi thangkha. Aulini private nursing home oh sak naikoljagwi tongmani bo. Mwtai chama ni jora oh bini omar 74 hinwi saimankha. Bini bihik, bwsala tei bwsajwk no yakarwi thangkha bo. Phasalo bini mangkwthwi no Town-Pratapghar eba bini tongthai nogo twlangjakha. Bini nogo thangkha haste ni montri okra Dr.Manik Saha tei pradesh BJP ni president Rajib Bhattacharya. Mwtai chanai Samir Chakroborty ni mangkwthwi oh khom riwi borom yapharkha montri okra Dr.Manik Saha tei pradesh BJP ni president Rajib Bhattacharya. Bini nukhungni borok bai kok sakha montri okra sng. Aboni yagulo teibu sakha, bisi kolokma ramwi Samir Chakroborty tei bini nukhungni borok bai sinilai oh bo, kaisa jora oh patient wngwi bo waire wai no bini chember no thangkha hinwi sakha montri okra. Thwinai nukhungni borok rokno kha-khamsamung yapharkha montri okra. Pradesh BJP ni president Rajib Bhattacharya bo thwinai nukhungni borok rokno kha-khamsamung yapharkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
