Kokti sal ni horo chorilam madhya para ungwi agartala-udaipur ni lahar kotor o kirima sinsa lahar patimwng o khorok sa sikla ni langma chokha tei khorok tham sago dukhu mankha hwnui koktwma o saimankha. Sepahijala hangkor bishalgarh bwkhaste o sal brum brum no lahar pati mwng pati tong kha, police ni simi romwi traffic tang bedek ni bwkhak twi kaham khe naikol mwng tong phano lahar pati mwng thagya ungwi tongkha, koktwma o saimankha laithanai 11 july salmari o bishalgarh chung phereng office bwskang o bus malkhung tei bike thutawi khorok nwi sikla ni langma chokha. teisa haino hai miya eba kokti sal nihoro chorilam madhya para agartala udaipur ni lama o kirima sinsa patimwng patikha, sai mankha bike bai khwlawi north chorilam rajib colony kali tila amchai ni Kartik dutta chorilam hati o phawi tong mani, tei khak sa phasing twi alto malkhung bai khwlawi Sajal chakraborty,Sandipan chakraborty, Lokesh roy ni mwngui khorok tham sikla belai khe no dowi udaipur phasing thangwi tong mani jora o bike chalug nai Kartik dutta no phawi thutai rwkha.pati mwng thai o logi logi no langma chikha bike chalugnai kartik dutta ni. pati mwng ni koktwma manwi bishramganj hor bwthar nai tang bedek ni samwng khwlai nai rok phawi sago dukhu man nai khorok tham sikla no bishalgarh bwkhaste sakham nogo twlang thang kha, abo ni logi thwi thang nai Kartik dutta ni mang kwthui no bo bishalgarh sakham nogo tubwi phai kha.payti mwng ni koktwma manwi bisshalghar thana ni police sokphai kha sakham mogo, tei khak sa phasing khe kaham sak naikol mwng ni bagwi sago dukhu man nai khorok tham sikla no GB sakham nogo refer khwlai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
