Lai thanai pha salo belonia ni chotta khola amchai ni tong nai CPIM ni rajnagar anchal committee ni tangphang Badal shil choprob jak mani, bo phai tong nai panchayat chongmari o hangkor parisad ni CPIM ni ungwi batainai tong mani. samwng sitra khwlainai rok bai choprob jagwi sago dukhu man mani, bini bokhorok tei sak rogo kwbui manwi bai choprob kha samwng sitra khwlainai rok.bono logi logi belonia bwkhaste sakham nogo tubwi phai kha, aro ni simi aguli ni GB sakham nogo refer khwlai kha. cha sal ni sanja jora GB sakham nogo no langma arikha Badal shil ni. ah pati mwng no kebengwi kokti salo dam chi nwi ni bagwi bandh ringkha yaksi bodol. phiya ba yaksi bodol ni bwkhak twi dam chi nwi ni bandh ring mani rajakhor aguli o nukjakliya bandh ni mwng sa phano mang pili.rajakhor aguli ni kwcham motor stand, battala, radhanagar amchai rogo agi ni kahai no mangpili nukjakha.hati rogo bo loku kwthumlai mwng kwbangno nukjakha. abo ni logi aguli ni joto phal nok bo khulugjak tong mani nukjakha. tei khak sa phasing khe kokti sal ni phung ni simi chengwi rwjakha chaturdash devta mwtai nogo kharchi mwtai tei mela, kharchi mwtai no kitingwi phung ni simi no loku kwthumlai mwng kwbang ung mani bo nukjakha, tei yaksi bodolni bwkha twi ringjak mani dam chi nwi ni bandh no kitingwi kokti salo rajakhor aguli ni dal bidal thai o naikol mwng kwbang khe no rwjkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
