Global warming ni yakni borok monuiso no bachirinani bagwi hakotor gwnangwi bwphang kainani yapri naharjakha. Abono wansugwi no takwlai bisi ni chibrwi mwtai ni theme khwlaijakha Green future. Abono nasigwi no takwlai bisi oh chibrwi mwtai oh phainai lukorog no 15 thousand bwphang baknani yapri naharkha. Koktisalo chibrwi ter tei exhibition no phiyogwi rikha haste ni montri okra Dr.Manik Saha. Aboni yagulo lukorog ni bisingo bwphang bagwi rikha MLA Ratan Chakroborty. Asalni panda oh kok narukna thangwi Ratan Chakroborty sakha, borok moinuso no bachirinani hnk bwphang kwbang khwlaiwi kainani nangnai. Aboni bagwi no sajago bwphang kaidi, borokni langmano bachiridi- oh slogan no bwskango toniwi no lukorog ni bisingo 15 thousand bwphang bwsa bakjakha.Borokni oh yapri naharmao bolong tangbedek belai no chubachu khwlaikha. Chibrwi mwtai committee ni bwkhak twi abohai kwthar samungni yapri naharmani bagwi chibrwi mwtai committee no hambai yapharkha lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
