Aulini Nazrul kolakhetro oh Chasalni simi Tripura State Employees Union ni Third Triennial State Conference chengsajakha. Asalni panda oh manjakha haste ni kwcham yakchu montri okra Jishnu Debbarma, thwngtangbedekni Tinku Roy, Bharatiya Mojdur songha ni haste-rwk vice-president Mahendra Prataph Singh, Rashtriya State Employees Maha Sangha ni President Vipin Kumar Dogra no khobui kubuni adongrok. Asalni panda no chengsariwi haste thwng tangbedekni montri Tinku Roy sakha, Bharatiya Mojdur songha kubuni shramik bodol hai ya, hakotor tei haste ni hamkrai no oh bodol ni nasikmung. Aboni bagwi no joto sebok rokno thansa wngwi hakotor tei haste ni hamkrai ni bagwi samung khwlainani nangnai hinwi sakha bo. Aboni logi sak baithangni adikar no twiwi bo kok sakha bo. Asalni panda oh kok narukna thangwi kwcham yakchu montri okra Jishnu Debbarma sakha, bodol ni kotor nasikmungno wngkha hakotor ni hamkrai. Hakotor no bahai khe kuchogo twlangnai abono twiwi wansukmung. Tripura State Employees Union ni Third Triennial State Conference no kitingwi kaisa report Submit khwlaijakha. Ah reports no twiwi kok salaikha borok. Koktisalo panda ni paithakni salo phainai bisi tham ni bagwi kwtal committee swnamjaknai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
