Bayap ungwi china ni sebo bahrat no chajago russia, abo montri bokhorok Narendra modi moscow o thangwi sogwi khe no sai mankha, tang salo Vanukovo International Airport o ongkhor kha modi, airport ni simi hotel jora malkhung bai tonwi rwkha russia ni puila yakchu montri bokhorok. Russia bai china ni relationship belai no kaham, dal bidal international mancha o bo russia bai gana tong mani nukjago beijing no, phiya ba china ni sebo phano bharat no je borom rwoh russia abo montri bokhorok Narendra modi ni beraimwng o no bujirwoi rwkha Moscow. 2023 bisi ni march o russia thang mani president Xi Jinping, bo moscow ni Vanukovo International Airport o ongkhor mani, bono russian federation ni deputy prime minister lamsogmwng khwlai kha, tang salo ah birkhung bathakthai o no ongkhor kha montri bokhorok Narendra modi.bono lamsog mwng yaphar kha russia ni puila yakchu montri bokhorok, aro rogo nophunugwi rwkha russia sabo borok ni bagwi gana ni borok china eba bharat da. ah salo moscow o thangwi sogwi mani ulo no birkhung bathakthaio puila montri bokhorok modi ni “Guard of Honour” rwkha russia ni sengkwrak rok.montri bokhorok modi no lamsogmwng khwlai mani ulo malkhung bai khwlawi birkhung bathakthai ni simi hotel jora montri bokhorok modi no tonwi rwkha. moscow ni Carlton hotel o tongwi tong o modi. russia o tong nai bharatiya rok bai bo kok samani nukjakha modi no.russia o thangwi montri bokhorok social media o post khwlai kha,moscow o phawi sokphaikha hwnui.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
