AGMC eba GB ni sakham nogo kidney transplant samwng bwtang chengwi ung mani ulni simi no haste ni montri okra, montri sabha ni joto ojama song no tei haste hapang no hambai yaphar kha pradesh BJP. kwrak salni phung o kokthum panda khalwi hambai yaphar mani nukjakha pradesh BJP ni bwkhak twi. Tang salo AGMC eba GB sakham nogo Subham sutradhar ni mwngui umar nwi chi bisi ni khorok sa sikla ni sago kidney transplant khwlai kha, bono kidney rwkha bini buma Munna saha sutradhar, tabuk buma ti busajula khorok nwi no kaham tong o. haste o tabuk no puila kidney transplant khwlai jak kha ja haste ni saknaikol nai rok ni bagwi no ungwi mankha, GB sakham nogo kidney transplant kaham khe ung mani bagwi haste ni montri okra Dr.Manik saha, haste hapang tei haste montri sabha ni joto ojama song no hambai yaphar kha pradesh BJP. kwrak salo BJP ni haste tang nogokaisa kokthum panda ni bising twi hambai yaphar kha pradesh BJP ni okra naikolnai Nabendu bhattacharjee, bo kokthum panda o sakha haste o kidney bemar ungmani kwbang no nukjak tong kha, ashuk sal romwi bemar ung nai loku rok no sak naikol mwng ni bagwi phatar haste o thang nani nang o. tabuk ni simi kidney ni mwng sa suk bemar ung khe tei phatar haste o thang nani nang galak, abo kaisa haste hapang ni kaisa kaham nahar mwng hwnui sakha bo.montri okra, montri sabha ni ojama tei haste hapang no hambai yaphar mani logi o sak naikol nai rok no bo hambai yaphar kha pradesh BJP ni okra naikol nai Nabendu bhattacharjee.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
