Rath naiwi nogo kiphilwi tongmani jora o lahar pati mwng o sago dukhu mankha khorok dok loku rok. pati mwng kokti sal ni horo panisagar rowa kami panchayat rowa bridge gana amchai o. saimankha, rowa kami panchayat ni 6 no.ward amchai ni tong nai khung sa nwkhung ni joto borok no rath naina bagwi panisagar o thang mani, rath nawi panisagar ni simi nogo kiphilwi tong mani jora o rowa kami panchayat gana bridge amchai o lama oh no bathak rwjak tong mani khung sa 12 chakka ni malkhung bai tomtom thutai laikha. patimwng o tomtom o tong nai khorok ba loku rok ni logi tomtom chalugnai no sago dukhu mankha. sago dukhu man nai rok ungkha Aparna nath, Sima nath,Arijit nath, Sabita nath, Suchitra nath tei tomtom chalugnai ni mwng ungkha Anowar Hussain.patimmwng ni ulo amchai ni loku rok no sago dukhu man nai rok no khochawi panisagar bwkhaste sakham nogo twlang thangkha, panisagar sakham nok ni simi dharmanagar hangkor sakham nogo refar khwlai rwkha. ah salo sago dukhu man nai ni bising o khorok sa saklai kha, ah phuru watui waoi tong mani,current bo kwrui, ah jora o lama oh bathak rwjak malkhung bai thutai rwkha tomtom. tabuk sago dukhu man nai rok dharmanagar hangkor sakham nogo no sak nairwjagwi tong o. sago dukhu man nai rok ni nok rowa kami panchayat 6 no.ward amchai o.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
