Montri bokhorok ni tongthai nogo montri bokhorok Narendra modi bai malaikha team india ni cricketer rok. sangrong salo phung ni dam chi sa o malaikha, aro borokno lamsogmwng yapharkha modi. Dam chi dok ni ulo paithago Delhi ni indira gandhi international airport o phawi sokphaikha sangrong sal ni phung ni dam dok o team india ni mwng kwchug o karwnai hakotor ni sajla rok.tei khak sa phasing khe team india ni ojama sokno lamsog mwng yapharna bagwi hor ni dam tham ni simi delhi international airport o loku kwthumlai mwng ung mani kwbang no nukjakha. airport ni simi ongkhorwi bus malkhung o kasa mani nukjakha team india ni ojama song no.kisa jora ni bising o no bus thangwi sogwi kha hotel bwskang o. delhi ni hotel o phawi sokphai jak mwsainai band. Rohit sharma ni bodol no lamsog mwng khwlaina bagwi no aabo hai sep khe ton jakha,band bai baksha khe Rohit sharma bo aro mwsa mani nukjakha. hotel o team india ni ojama song no nugwi kebo sagalak asuk jora koloka ma romwi flight kawi lengwi phai mani, tangwi hwnkhe world cup yago twi sak ni hakotor o phawi sokphai mani tei hakotor ni cricket no chajak nai loku rok no nugwi manui tongthoklai jak joto no. abo ni ulo cake ramani bo nukjkha Rohit sharma no. cake ralai mani ulo jursey chumwi bus bai montri bokhorok Narendra modi ni tongthai nogo thangkha team india ni cricketer rok. phung ni dam chi sa o montri bokhorok bai malaikha team india ni ojama song. montri bokhorok Narendra modi bai no breakfast khwlaikha, jora kolokma no montri bokhorok bai kok sakha team india ni ojama song. montri bokhorok ni tong thai nogo cricketer rokno lamsog mwng yapharkha, lamsog mwng manwi belai khe no kha phur jak Rohit sharma ni bodol.montri bokhorok bai malawi team india ni cricketer rok mumbai ni phasing lamrwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
