Sangrong salo bankudnri phawi deramwng o kwlai nai hukbar khwlainai rok no rang chubamwng rwkha haste ni hukbar tang bedek ni montri Ratan lal nath, ah salo 39 agriculture sub division o 78 thousand 279 jona deramwng o kwlai jak hukbar khwlainai rok no 21 crore 97 lakh 18 thousand rang chubakha. 2023 bisi ni 27 tei 28 november salmari o haste oh bankundri midhili phai manim ah bankundri midhili phai mani bagwi haste ni hukbar khwlainai rok deramwng o kwlai ani nang kha. abo ni bagwi hukbar khwlainai rok kisa misa chubanani bagwi sanlai mwng khwlai kha, hapang deramwng o kwlai jak hukbar khwlainai rok ni logi bachanai hwnui kok rwkha, abo ni ulo chengwi rwjakha naichermwng bwsuk jora twi hukbar khwlainai rok deramwng o kwlai kha, sangrong salo deramwng o kwlai jak hukbar khwlainai rok no rang rwkha, abo no kitingwi 47 agriculture sub division o kaisa kisa khwlwi panda songsa jakha, tei rajakhor aguli o panda songsa jakha rajakhor aguli ni nazrul kala khetra o.ah panda o nograi okra ungwi phawi manjak phai kha haste ni hukbar tang bedek ni montri Ratan lal nath, abo ni logi phawi manjak phai kha MLA Ratan chakraborty, agartala pura nigam ni mayor eba MLA Dipak majumdar,salthang hangkor ni hangkor parisad ni achugphang Haridulal acharjee tei hukbar tang bedek ni kwchug thai ni samwng khwlainai rok. ah panda o kok narugna phuru hukbar tang bedek ni montri Ratan lal nath sakha, habar deramwng tei bankundri midhili phai mani bagwi haste ni hukbar khwlainai rok belai khe no deramng o kwlai nani nang o. borok ni bising o sangrong salo 39 agriculture sub division o pabda songsalawi 78 thousand 279 jona deramwng o kwlai jak hukbar khwlainai rok no rang chuabmwng khwlai kha. tei phai tong nai sal rogo PM fosol bima yojona bai teibo 3 thousand 13 jona hukbar khwlainai no 1 corore 13 lakh 90 thousand rang chubamwng rwjak nai hwnui sakha montri. panda o montri Ratan lal nath teibo sakha, haste o 42 lakh loku rok ni bising o 4 lakh 72 thousand loku ok no hukbar khwlainai. hakotor gwnagui hukbar khwlainai 20 crore, borok no hakotor ni 140 crore loku rok no chamwng rwoi tong o.abo ni bagwi hukbar khwlainai rok nikok no mwitu khwlai kaham yapri nahar kha montri bokhorok Narendra modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
