Sal sa ni environmental science exhibition panda songsai rwkha Tripura state pollution control board ni bwkhak twi. rajakhor aguli ni maharani tulsibari kwchug rwng nogo swrang salo panda no songsai rwkha salthang hangkor parisad ni achugphang Haridulal acharjee. Global warming ni yak ni simi loku rok no bobo hai khe yak kagwi man nai abo no two yapri naharkha central pollution control board. kendra ni gosimwng ni hai Tripura state pollution control board ni dal bidal hangkor ni rwng nok ni rwng swrung nai tei swrung nai jwk song no kwkhrang Tripura swnam na bagwi model presentation panda songsai rwkha. abo no kitingwi no swrang salo maharani tulsibati kwchug rwng nogo kaisa environmental science exhibition panda songsa jakha, salthang hangkor education department ni bwkhak twi ah panda songsai rwkha. ah panda no chati mwsungwi songsai rwkha salthang hangkor parisad ni achugphang Haridulal acharjee. ah salo exhibition no sogsai rwmani ulo rwng nok ni rwng swrung nai tei swrung nai song ni model presentation khwlai mani abo berai naikha, abo ni ulo kokthum thum nai ni bwskang o salthang hangkor ni hangkor parisad ni achugphang Haridulal acharjee sakha, ah exhibition o kai tham chi rwng nok ni rwng swrung nai swrung nai jwk song model presentation khwlaikha. abo ni swkang bo haste ni kai sini hangkor o abo hai science exhibition panda songsa jakha, habar no kwkhrang ton nani bagwi abo hai panda songsa jakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
