Tangsalo Parliament oh kebengnai bodol ni ojama Rahul Gandhi kok narukna thangwi Hindu dharma no twiwi mokol pengya kok sakha. Rahul Gandhi abohai kok samano kitingwi hakotor rwgwi no kebengmung phunuklaikha. Rahul Gandhi ni abohai kok samano kitingwi kwrak salo aulini city center bwskango jolilaimung phunukkha sikla morcha Tripura pradesh committee ni adongsng. Asalni jolilaimung phunukmao manjakha sikla morcha pradesh ni president eba MLA Sushanta Deb no khobui haste sikla morcha ni kubuni adongrok. Asalo kok narukna thangwi MLA Sushanta Deb sakha, Loksobha oh sanatani hindu dharma rokni saka oh abohai kok sawi sanatani rokni kha-oh degar solwi rikha kebengnai bodol ni ojama. Bini kok samano belai no naslejakha bo. Phainai salo haste rwgwi no choba kotor wngnai hinwi sakha MLA. Kwrak salo haste ni joto mondal oh sikla morcha ni sikla rok abohai jolilaimung samung bwtang panda songchawi tongo hiwni sakha bo. Kwrak salo Rahul Gandhi no kebengwi agartala city center bwskango Rahul Gandhi ni mangthong no sogwi jolilaimung phunukkha. Asalni panda oh kwbangma sikla morcha ni sipai rok phaiwi manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
