Loksabha vote o punjab o batailaikha congress tei aravind kejriwal ni bodol. teisa delhi o khe achugthai no twi batailai kha kai nwi bodol no. delhi ni kai sini achugthai ni bising o kai bwrui achugthai o bataikha Aap.tei congress bataikha kai tham achugthai o.tabuk khe ap ni phasing yasi tisawi kok sawi tongkha congress. Tabuk khe Aap ni phasing khuk kengwi tongkha congress bodol. delhi o Aap tei congress ni achugthai no twi batailai mani.phiya ba delhi ni kai sini achugthai bo manliya kai nwi bodol no. kai sini achugthai o no kwplai ungkha BJP. delhi o joto thai o no mechen mani bagwi tabuk Aravind kejriwal ni Aap ni phasing yasi tusa kha congress. Aap ni abgiri corruption ni dorbar o congress delhi o mechen kha hwnui khuk kengkha congress ni adong Abhisehk dutta, Abgiri corruption ni dorbar o delhi ni kwbangma montri no jail o chopjak. Aap ni supremo eba delhi ni montri okra Aravind kejriwal no bo romkha,abgiri corruption dorbar no twi congress ni adong Abhisehk dutta sakha, chung agi ni simi no abgiri dorbar no twi kok silsamwng khwlai mani, ah jora chung samani, hapang no ah pati mwng no twi kaham khe cherwi naikol nani nang o, ah jora ED tei CBI kaham khe naikol mwng khwlai liya, loksabha vote ni tal sa ni awkang romkha kejriwal no. abgiri dorbar ni bagwi kebeng mwng o kwlai nani nang kha congress no. taklai bisi o delhi o hamya bwthai no twi congess saklai mani o kok phirogkha Aap bo. congress ni phasing naharwi delhi ni momtri Sourav Bharadwaj sakha, hakotor ni onstitution no mwthang na bagwi choba khwlai kha kebeng nai bodol rok.loksabha vote ni swkang kwbang ma bodol thansa ungwi india alliance khator jakha. delhi ni kai sini achugthai ni bising o aap bataikha kai bwrui achugthai o.tei congress bataikha kai tham achugthai o.lai thanai 2014 tei 2019 bisi o ah kai sini achugthai o no kwplai ung mani BJP.tei abo ni ulo no congress ni adong rok aap ni phasing kok silsamwng tubui tong kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
