Hakotor no dynamic bharat swnam nani nai tongkha montri bokhorok Narendra modi, kokti salo 14 badharghat mandal ni 33 no. booth ni luajimung bai songsa jak mani mann ki baaat panda o phawi manjak phawi montri okra Dr.Manik saha abo hai khe no kokthum thumnai ni bwskang o khuk kengkha. Loksabha chingmari ni bagwi tal tham romwi mwthagjak tong mani montri bokhorok Narendra modi ni mann ki baat panda. kokti salni simi teisa chengwi rwjakha mann ki baat panda. ah salo tong mani montri bokhorok ni mann ki baat panda ni 111 episode.montri bokhorok ni 111 episode khuna nani bagwi kokti salo rajakhor aguli ni badharghat mandal ni 33 no. booth committee ni bwkhak twi panda songsai rwkha. ah panda o phawi manjak phai kha haste ni montri okra Dr.Manik saha, BJP haste achugphang Rajib bhattacharjee, 14 badharghat kendra ni MLA jwk Minarani sarkar akosong,panda o montri bokhorok ni maan ki baat khuna kha montri okra ni logi bodol ni samwng khwlainai rok bo.abo ni ulo panda pawi kokthum thumnai nai bwskang o montri okra saklai kha, ah mann ki baat panda o vocal for local ni phasing nahawi kok sakha montri bokhorok Narendra modi. hakotor ni kwbangma chikon chikon pati mwng no twi bo kok narukha modi. abo ni logi phai tong nai olympic game no twi bo kok samani nukjakha montri bokhorok no. montri okra teibo sakha, haste ni dal bidal thai o je samwng ung mani abo rok montri bokhorok ni thani sawi khuna rwnai. mann ki baat panda chengjak nani swkang bharat keshari Dr.Shyama prasad mukharjee tei bharat mata ni mangpili o khum rwoi borom rwkha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
