Chasalo Town Pratapghar ni Udaiman songha ni luajimung bai Ramthakur boys school ground oh sub-junior cherai no twiwi haste-rwk championship session chengsajakha. Asalni session no chengsawi rikha haste ni thwngtangbedekni montri Tinku Roy. Asalni panda oh nogorai okra wngwi manjakha pradesh BJP ni president Rajib Bhattacharya, thwngtangbedekni secretary Sukanta Ghosh, organization ni president eba MDC Bidyut Debbarma, Tripura Olympic Association ni Chairman Ratan Saha, amchaini corporator Anjana Das no khobui kubuni adongrok. Asalni panda oh kok narukna thangwi thwngtangbedekni montri Tinku Roy sakha, Kho kho thwngmungno kuchugo twlangnani bagwi PI rokno kaham khe training rinani bagwi koikha bo. BJP haphang ni twidulmung bai haste ni thwngtangbedek oh belai no swlaijakmung nukjagwi tongkha. Haste ni sikla sikli rok Bharat hakotor ni dalbidal thwngmungo sak baithangni talent no phunugwi kwbangma medal tubuwi tongo. Asalo montri sakha, Dipa Karmakar, Somdev Debbarman, Arsia Das tei Pratishtha Samanta sng haste ni mungno kuchugo twlangkha. BJP haphang ni twidulmung bai haste oh modern type ni stadium swnamjakha. Thwngmungno kuchugo twlangnani bagwi chaitogwi tongo haphang. Joto coaching center oh PI tichokjaknai hinwi sakha bo. Asalni panda oh kok narukha BJP ni pradesh president Rajib Bhattacharya. Asalo senior group ni chwla bwrwi rokni 16 team tei sub-junior ni kai chi team participat khwlaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
