Pha salo loksabha ni koklam pandao kendra haphang naikulnai bodol tei kebengnai bodolni kwcharo NEET ni mamla no twiwi kokbangmani nukjak kha. Tabok kebengnai bodolrogni swngmung rogno twiwi khok kengkha kendrani Rwng swrwng tang bedekni montri Dharmendra Pradhan. NEET ni mamla no twiwi tabok khorang tisajak kebengnai bodol rog. pha salo loksabha ni koklamo NEET ni mamlano twiwino kendr haphang naikulnai bodolni bwkhakgo naharwi kok sakha kebengnai bodolni ojama Rahul Gandhi.kendrani bwkhaktwi agini saklaijak kha rwng swrwngnai rogni thinango kaham khwlaina bagwi joto yapri naharnai kendra haphang. tei tabok hinkhe kendra ni rwng swrwng tang bedekni montri Dharmendra Pradhan sakha , loksabha oh NEET ni mamla no twiwi je kok rog tisai tongo kebengnai bodol amo joto borogni politics no kitingwi mangno. ah salo kai nwi bodolni kwcharo NEET mamla no twiwi kokbanglaimani nukjak kha. amoni bagwino tabok hinkhe phainai 1 july salmari jora loksabha no mwthakgwi tonina bagwi kokchap naharjak kha. oh patimungno twiwi kendra rwng swrwng montri Dharmendra Pradhan sakha,jesa topic oh phanu kok sana ready tongo kendra haphang. phiya joto kok swngmung tei kok phirokmungno loksabha ni raidano tei halok ni naharwi wngna nango. sal kisa swkangno President Droupadi murmu sak baithangno NEET mamlao Kwrak yapri nahar bagwi saklaimung rikha tei kendra haphangni sak baithangbo oh mamlao kholokgwo kok sanani tiyar tongo. montri teibo sakha , rwng swrwngnai tei borogni buma bupha song mungsa wana nangya . kendra haphang rwng swrwngnai rogni bagwi kaham yapri naharnai hinwi.oh NEET ni scam oh gwdaljak khoroksano bo phiyokya hinwi sakha bo. hakotorni sikla dopha tei rwng swrwngani rogni bagwi kaham samung khwlaina bagwi tiyar kendra haphang. NTA ni barja manjak jotono tabo norjakgwi tongo. NTA no kaham khwlaina bagwi kuchuk beremni koklam khwlaijaknai tei kokchap naharjaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
