Phasalni phungo Kamalpur doly ni Harer Khula High School gana ni kaisa poskini oh khorok sa sikla ni mangkwthwi mankha. Thwinai ni mung Rajesh Das,omar 37. Bupha ni mung Nirmal Chandra Das. Bini nog Kamalpur doly ni Harer Khula High School gana oh hinwi saimankha. Sangrong salni sarikni simi bono nukliya bini nukhungni borok rok. Hopung bono rutukmani yagulo bo rutugwi manliya bono. Aboni yagulo phasalni phungo nogni poskini oh bini mangkwthwi kuphungsawi tongmani nogwi mankha. Aboni logi police rok phaiwi bini mangkwthwi no khochawi post khwlainani bagwi Bimal Singha Memorial sakham nogo rohorjakha. Amchaini lukorog ni bwkhak twi saimankha, Rajesh belai no borok kaham tei tongkwchang khwlaiwi tongnai khorok sa sikla. Tution khwlairiwi tongo bo. Bisi nwi swkang hamjakmani bwrui bai yakarwi kwlangjagwi phekjaknai manwi bai kubulkha bo. Aboni bagwi no phekjaknai manwi belai khe use khwlaimani bagwi twi oh kwlwgwi thwikha hinwi saimankha. Phiyabha bini bwta sakha, strok wngwi thwiwi mano bo. Rajesh thwimani yagulo amchai rwgwi no kha-khamlaijak. Tabok post mortem khwlaimani yagulo no sawi manai Rajesh Das bahai khe thwikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
