Panchayat chongmarini logi ADC ni kainwi achukthai tei village committee ni chongmarini bagwi sanmung tisakha Tipra motha bodol. Sal kisa swkang Video conference ni bising twi bodol ni central working committee ni panda songchajakha. Ah panda oh naharjak yapri no rwgwi no sangrong salo bodol ni president Bijoy Kumar Hrangkhawl ni twidulmung bai swnamjak khoroktham members ni kaisa bodol haste ni election commission bai malaikha. Asalni malaimungo Tipra motha ni bwkhak twi sanmung tisajakha je, panchayat chongmarini logi ADC ni kainwi achukthai tei village committee chongmarini bagwi sanmung tisakha. Ah topic no twiwi haste ni election commission ni thani swimung bwlai bo joma rikha borok. Sangrong salo kaisa kokthum panda khwlaiwi abohai no sakha Tipra motha bodol ni president Bijoy Kumar Hrangkhawl. Sal kolokma ramwi village committee ni chongmari wngyani bagwi kami amchai rogo hamkrai wngya wngwi tongkha. Aboni bagwi dakti dakti no chongmari khwlainani bagwi sanmung tisakha Tipra motha bodol ni president Bijoy Kumar Hrangkhawl. Asalni kokthum panda oh haste haphangni samung humung rokno twiwi chajakya wngmano sakha bo. Aboni logi bo teibu sakha, Tipra motha bodol bo BJP haphang ni kaisa bwbak. Phiyabha BJP haphang jadi ulta lama oh himkhe, tipra motha bodol borok bai kagwi thangwi mano hinwi kisa hiss rikha. Haste haphang abono twiwi tamo yapri nahar no abono simi no nasingwi tongo Tipra motha bodol. Tipra motha bodol jese phano kwrak yapri naharwi mano. Asalni kokthum panda oh bini logi tongkha Tipra motha ni CWC ni members eba kwcham montri Mevar Kumar Jamatia, kwcham MLA eba CWC ni members Rajeshwar Debbarma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
