Haste ni hukbar tangbedek tei hukbar khwlainai rokni hamkrai ni bagwi Udaipur ni Kila oh swnamjagwi tongo Agri Development Research eba Training Center. Sangrong salo ah kwtal swnamjak Agri Development Research eba Training Center no phiyogwi rikha haste ni hukbar tangbedekni montri Ratan Lal Nath. Ah training center oh tongnai Training room, computer, internet tei projector ni bising twi modern technology ni kwbangma topic no twiwi phwrwngjaknai. Aboni logi tongo video conference ni sep sap. Bebagwi 16 village committee no twiwi swnamjakha, tei amchaini hukbar khwlainai je kono nangkumani chubachu naharwi manai hinwi saimankha. Oh center ni bising twi Kila ni 16 village committee amchaini hukbar khwlainai rokni belai no hamkrai wngnai hinwi kha-khwlaikha hukbar montri Ratan Lal Nath. Asalni panda oh montri no karwi bo manjakha haste ni kwcham montri eba Bagma bidhansabha kendra ni MLA Rampadha Jamatia, TTAADC ni CEM Purna Chandra Jamatia, hukbar hamkrai tangbedekni officers rokno khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
