Sahitya samrat Bankim chandra chatarjee ni 186 bisi achai mani sal swrang salo joto hakotor bai baksha khe haste o bo palai jakha, rajakhor aguli ni rabindra satabarshiki bahvan o haste hapang ni hukumu tang bedek ni bwkhak twi panda songsa jakha, ah panda o phawi manjak phai kha montri Sushanta chowdhury. Swrang salohakotor bai baksha khe haste o bo sahitya samrat Bankim chandra Chatterjee ni 186 achai mani sal palai jakha, ah salno kitingwi rabindra satabarshiki bhavan o kaisa panda ni bising twi panda songsalai kha. haste hapang ni hukumu tang bedek ni bwkhak twi ah panda songsa jakha, ah panda o nograi okra ungwi phawi manjak phai kha Sushanta chowdhury, panda cheng droprogo no sahitya samrat Bankim chandra Chatterjee ni mangpili o khum rwoi borom rwkha montri. panda o kok narugna phuru Bankim chandra Chatterjee ni thinang, laibuma no twi kok narugkha montri Sushanta chowdhury. montri saklai kha, samwng khwlai na phuru Bankim chandra Chatterjee kaham kaham koklob swikha. ah salni panda o sahitya samrat Bankim chandra Chatterjee ni dal bidal kok sawi khuna rwkha hukumu tang bedek ni sachib Dr.Pradip kumar chakraborty, borom gwnang Manish rudrapal, tei committee ni vice chairman Subrata chakraborty akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
