swrang salo auluni NSRCC oh CATC-19 eba Combined Annual Training Camp chengsajakha. Haste ni kwbangma school ni junior division ni 410 sikla sikli cadets rok ah salni camp oh manjakha. Swrang salo salchi sal ni bagwi ah training camp no phiyogwi rikha NCC ni Brigadier Kapil Sood. Haste ni kwbangma school tei college oh NCC ni training choliwi tongo. 13 Tripura Battalion NCC ni naikolmung bai regular training khwlairijagwi tongo. Oh training ni kwrwng cadets sikla sikli rokno twiwi swrang salo auluni NSRCC oh CATC-19 eba Combined Annual Training Camp chengsajakha. Haste ni kwbangma school ni junior division ni 410 sikla sikli cadets rok ah salni camp oh manjakha. Swrang salo salchi sal ni bagwi ah training camp no phiyogwi rikha NCC ni Brigadier Kapil Sood. Asalo 13 Tripura battalion ni NCC Agartala Commanding Officer C. Rajsekhar oh kok rokno sawi khwnarikha. Asalo bo teibu sakha, salchi salni oh camp oh Military training no karwi no normal Discipline tei motivational skills no twiwi bo cadets rokno phwrwng rijaknai. Aboni logi kwbangma disaster management no twiwi bo training khwlairijaknai. Phainai 3 july ni salmari, oh camp no mwthagwi rijaknai. Paithakni panda no kitingwi cultural program khwlainani yapri naharkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
