Kwrak salni sarigo Agartala railway station oh khorok bwrwi bangladeshi no romkha police. Oh patimungo borokno chubachu khwlainai khorok sa bharat ni borokno bo romkha police. Thanai sal bwrwi oh khorok chi tham bangladeshi no romkha Agartala railway station ni police. Haste oh salbrom no hamya raida bai Bangladeshi rok habwi tongo. Tripura haste ni simi kubuni haste oh thangwi tongo kwbangma Bangladeshi rok. Jora jora oh police bai romjago, phiyabha maximum bangladeshi rokno romjakya. Kwrak salni sarigo Agartala railway station oh khorok bwrwi bangladeshi no romkha police. Oh patimungo borokno chubachu khwlainai khorok sa bharat ni borokno bo romkha police. Borok Gujarat tei Maharastra oh thangnani bagwi railway station oh phaikha. Borokni tamung chamungno nogwi no bangladeshi hinwi romkha police. Borokno kaham khe kok sungmani yagulo bangladeshi hinwi gosikha borok. Romjaknai rokni mung wngkha Neem Sultana, Rabia Sultana, Ritu Begum tei Jyoti Khatun. Borokni logi khorok sa indian no bo romkha. Bini mung Kasem Mia, bini kami Sepahijala ni Kalamchara amchai oh. Kasem Mia ni chubachu bai no borok bangladesh ni ari par wngwi Agartala ni railway station oh phaikha. Agartala railway station ni GRP thanani officer Tapash Das abohai no sakha. Swrang salo borokno police remand sanwi dorbar nogo tisajakha. Aboni logi romjaknai Kasem Mia ni swkangni police record sawi manna bagwi dalbidal thana oh message horjakha. Khursathai kwlai oh thanai chasalo Agartala railway station oh khorok chuku bangladeshi romkha, aboni sal bwrwi ni yagulo no tei khorok bwrwi bangladeshi no romkha. Thanai sal bwrwi oh khorok chi tham bangladeshi no romkha Agartala railway station ni police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
