Montri okra Dr.Manik saha ni yak bai no phai tong nai 14 july salmari o songsai rwjak nai kharchi mwtai tei mela. kwrak salo kokthum panda khwlawi sakha amchai ni MLA eba mela committee ni chairman Ratan chakraborty. Phai tongnai 14 july sal mari ni simi khayerpur ni chaturdos devta mandir o songsa jak nani nai tongkha siri siti ni kwcham kharchi mwtai. ah mwtai no kitingwi taklai bisi o bo sal sini romwi kharchi mela songsa jak nai, phai tongnai 14 july sal mari ni phung ni dam chi sa o kharchi mela no songsai rwkha haste ni montri okra Dr.Manik saha, abo ni logi phawi manjak phai nai montri Sushanta chowdhury. kharchi mwtai tei mela no kitingwi kaisa committee swnam jakha, abo ni chairman khwlai jak kha amchai ni MLA Ratan chakraborty no.
kwrak salo kwcham agartala block tang nogo kokthum panda khwlai kha kharchi mwtai tei mela committee ni chairman, MLA Ratan chakraborty saklai kha, mela ni habar tog kwchang khe ton nani bagwi nangkuk mani seo nahar jakha, mela ni naikol mwng o tongnai 700 ni simi 800 TSR sengkwrak. tei mela o phainai loku rok ni bagwi ton jak nai 150 jona scout and guide volunteer. mela o phung ni simi hor jora ton nai medical team, MLA Ratan chakraborty teibo saklai kha, kharchi mela ni bagwi kolkata, guwahati, delhi ni kahai dal bidal thai ni simi pirlai mwng ni bagwi display khwlai jak nai, haste hapang ni tourism tang bedek ah samwng khwlainai. mela o sal sini romwi krishna mala mancha tei haveli mancha o dal bidal hukumu panda songsa jak nai, 14 july ni simi chengwi 20 july jora tong nai kharchi mela, MLA teibo saklai kha, mela ni paithak ni salo panda o phawi manjak phai nai montri Ratan lal nath, montri Animesh debbarma akosong.
kokthum panda o mela committee ni chairman MLA Ratan chakraborty saklai kha, taklai bisi ni kharchi mwtai ni theme ungkha, kukhrang no chini thinang. abo ni bagwi taklai bisi o khachi mela o phai nai loku rok ni bising o 15 thousand buphang busa bagwi rwjak nai hwnui sakha.
