Hukbar khwlainai rok ni gana bachawi samwng khwlainai haste hapang, kwrak salo jirania ni madhab bari sarkari ni chamwng ni godam o samwng bwtang chengwi rwjakha, ah panda o phawi panda no songsai rwkha haste ni chamwng tang bedek ni montri Sushanta chowdhury.
Bisi brum brum ni haikhe no taklai bo hukbar khwlainai rok ni thani maichalam pai nani samwng bwtang chengwi rwkha haste hapang, li thanai 15 june salmari o santir bazar bwkhaste ni jolaibari ni simi ah samwng bwtang chengwi rwmani, phai tong nai 15 july salmari jora ah samwng bwtang choli nai, ah samwng bwtang no kitingwi kwrak salo jirania ni madhab bari sarkari chamwng ni godam oh maichalam pai mani samwng bwtang songsai rwkha. ah panda no songsai rwkha montri Sushanta chowdhury. panda o montri no karwi bo phawi manjak phai kha chamwng tang bedek ni sachib Raval hemendra kumar, okra naikolnai Animesh debbarma, hukbar tang bedek ni okra naikolnai Saradindu das, jirania panchayet samiti ni chairperson Manju das, jirania nagar panchayat ni chiarperson Ratan kumar das, hukbar rok ni thani maichalam pai mani panda o phawi montri Sushanta chowdhury saklai kha, lai thanai 2018 bisi o hapang swlai jak mani ulni simi montri sabha o puila cabinet achuglai mwng o hukbar khwlainai rok ni thani maichalam pai nani gosi mwng nahar kha. oh hapang jesak sal romwi tong nai ashuk sal romwi no abo hai samwng bwtang choli nai. bo teibo saklai kha, maichalam pai mani haste hapang ni samwng abo ni bagwi rang rwnai kendriya hapang. abo no raida o tong o, bo teibo saklai kha, habar deramwng ni bagwi hukbar khwlai nai belai khe no jungjal o kwlai nani nang kha, abo ni bagwi dati no samwng bwtan yago nahar jak nai.
sathai kwlai o, bisi brum brum haste hapang hukbar khwlainai rok ni thani maichalam pawi tongkha, o bisi o bo 15 thousand 500 metric ton maichalam pai nani samwng wbtang yago naharkha haste hapang.
