JRBT Group-D ni merit list sakhwlainani sanmungno twiwi tangsalo Labor Department ni office bwskango play card twiwi dharna oh achuklaikha amjokmung rinai candidate rok. Results sakhwlaijakya sak borokni sanmung tongnai hinwi sakha khorok sa candidate. Joint Recruitment Board of Tripura eba JRBT group-D amjokmungni results tabok phano sakhwlaijakya khu. Results riwi dakti dakti no bhukcha achukthai rokno supungnani bagwi waire wai no tangphang rokni thani deputation rikha candidate rok. Phiyabha mungsa swk kono bejua ni bagwi tabok phano results sakhwlaijakyakhu. Dakti dakti no results rinani sanmungno twiwi tangsalo Labor Department ni office bwskango play card twiwi dharna oh achuklaikha amjokmung rinai rok. Dharna oh manjaknai khorok sa candidate sakha, tangsalni bisingo amjokmungni results sakhwlainani nangnai. Results riya sak borokni dharna choliwi tongnai hinwi sakha. Khursathai kwlai oh thanai bisi oh JRBT group-C ni amjokmungni results sakhwlaijakha. Merit list oh wngkhari wngnai group-c ni candidate rok sal kisa swkangno sebok manwi joining khwlaikha. Phiyabha group-D amjokmungni results tabok phano sakhwlaijakyakhu.
