Haste oh hamya raida bai kwbangma Bangladeshi rok habwi tongo. Aroni bisingo kebo kebo romjago, phiyabha maximum bangladeshi rokno romjakya. Chasalni horo Agartala railway station oh khorok chuku bangladeshi no romkha GRP police. Romjaknai rokni bisingo khorok dok wngkha bwrwi tei khorok tham wngkha chwla. Romjaknai rokni mung wngkha Nilupa Begum, Ripon Pramanik, Jannati Akhtar, Miraj Khan, Akash Howlader, Liton Howlader, Salma Begum, Ibrahim Akund tei Surbhi Ali. Borok Delhi, Bengalur, Gujarat oh thangna bagwi Agartala railway station oh phaikha hinwi saimankha. Borokno nogwi belai doubt wngma bai borokno romkha police. Romjaknai rokno police remand sanwi koktisalo dorbar nogo tisajaknai hinwi sakha. Asalo Agartala railway station ni GRP thanani OC Tapash Das sakha, Bangladeshi rokno hamya raida bai hakotor oh chitokmani tei haste ni bising twi hakotor ni kwbangma pradesh oh pirsarjagwi thangmani aboni okologo kaisa kotor target tongwi mano Bangladeshi rokni hinwi sakha police. Aswk BSF, police rokni kwrak naikolmung tongmani yagulo bahai khe bangladeshi rok haste oh habwi mann, abono twiwi kwbangma sungmung achaijak tongkosong lukorogni kha-oh.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
