Kalyanpur bidhansabha kendra ni Durgapur gram panchayat ni Ashrampara kami oh Diarrhea manjakmani mangpili nukjakha. Cherai rokno khobui chakra rokbo manjakha hinwi saimankha. Chasalni horni simi lumani, bohok sajakmani, bokhorok mihimjakmani hai wngjagwi Kalyanpur sakham nogo admit wngkha 30 to 35 hai borok. Koktisalo Kalyanpur community health center ni dr. sakha, admit wngnai rok joto no same bemar manjakha. Kebo kebo no puila naimani yagulo bithi berem riwi horjakha, aboni yagulo 25 to 30 bemar rokno sakham nogo admit khwlaijakha hinwi sakha doctor. Bo teibu sakha, ah amchai oh health camp khwlaiwi tamo ni bagwi oh bemar wngkha abono naicherjaknai hinwi sakha bo. Patimungni koktwma manwi koktisalo health center oh thangkha MLA Pinaki Das Chowdhury. Sakham nogo admit wngnai rok bai kok sakha bo. jerok admit wngnai rok tabok kisa kaham no tongo, aswk kono wanana nangya. Ah amchai oh kaisa medical health camp khwlaiwi bahai khe bemar phaikha abono twiwi kaham khe naicherjaknai hinwi sakha MLA Pinaki Das Chowdhury.
