Bangladesh ni simi bharat hakotoro sak naijakna bagwi phaiwi samung sitra tangnai rogbai chupropjak kha kaisa family. bolongo gana twlangjakgwi rang rog sekgwi naharjak kha borog. patimung udaipur Brahmabari amchaio. Hasteni beraikhirini marino hayungni beremo tei bo kaham khe twlangna bagwi belaino sak tharwi chaitukgwi tongo haste haphang. phiya ah chaitukmungno hamya khwlaiwi tongkha baksa borok. bangladesh ni simi hasteo beraina phaiwi hasteni samung sitra tangnai rogbai chupropjak kha khungsa nukhungni borok rog. koktwmao saimankha bangladesh ni chiitagang ni simi kolkatao sak naijakna bagwi hasteo phaimani kaisa family. borogni sinijak borokni nog belonia oh. arono tongna hinwi phaimani borog. belonia oh thangna bagwi bihik tei bwsai udaipur ni brahma bari amchaio bus naisingtwi tongmani. ah joraono khungsa eco malkhung chaloknai borogni bwskango phaiwi bacha phaikha . ah eco malkhungni driver sakha , bus ni bara swk no bono bo bara ridi hinkhe belonia oh tonioi phainai. ah kok khwnai bangladesh ni phainai ah bihik tei bwsai gosikha eco malkhung kwsana bagwi. phiya ah malkhung driver borogno beloni twlangya karwi bolong bwkhakgo twlangwi malkhung dagarwi khiklaiwi rio. borogni bag ni simi bangladeshi , american tei indian currency ni rang sekgwi nahar kha driver. bebagwi 50 thousand rang naharjak kha borog. paithakgo amchaini lukurogni chubachu bai khe puilao belonia tei ulo udaipur thanao mamla khwlai kha borog. bangladeshi ah bihik tei bwsai sakha , 200 american dollar tongmani , indian ni hinkhe 30 thousand tei bangladeshi 10 thousand rang tongmani. kolkata oh thangwi bwsai ni sak nairijakna bagwi ah rag tubwi phaimani borog. ah bangladeshi bihik tei bwsai ni mamla khwlaimani yagulo tabok patimungno kaham khe naicherwi tongo naimwthang bodol.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
