Wai bwrui ni bagwi bangladesh ni montri bokhorok ung mani ulo puila no beraina bagwi phai kha bharat o Sheikh Hasina. pha salo new delhi indira gandhi international airport o phawi sokphai kha bangladesh ni montri bokhorok Sheikh Hasina. bono lamsogwi naharkha bharat ni prati montri Kriti bardhan singh. lai thanai 7 january bangladesh o montri bokhorok ungwi chonghor jak mani Sheikh hasina. abo ni ulo phatar haste simi thailand o thang mani kaisa panda o manjak nani bagwi, tei bharat o phai mani ah phuru no Narendra modi ni swmai nahar mani panda o. abo ni ulo teisa bharat o no berai nani phai kha bangladesh ni montri bokhorok. banglasdesh PM tang tong ni simi saklai jak kha, bharat ni montri bokhorok Narendra modi ni invite manwi no berai na bagwi phai kha montri bokhorok Sheikh hasina. sal nwi ni bagwi bharat o tong nai bangladesh ni montri bokhorok. puila ni salo no Sheikh hasina bai malai kha bahrat ni foreign minister Dr.S joysankar. 22 june ni phung o new delhi ni rastrapati bhavan o lamsog mwng yapharwi rwjak nai montri bokhorok Sheikh hasina no. abo ni ulo Sheikh hasina thang nai rajghat i, borom rwnai Mahatma gandhi ni sahid bedi o. abo ni ulo hydrabad house o montri bokhorok Narendra modi bai achuglai mwng khwlai nai bangladesh ni montri bokhorok. abo ni ulo 22 june sal mari ni sanja jora bharat ni yakchu hani kasku Jagadeep dhankhar bai malai nai Sheikh hasina. abo ni ulo teisa Sheikh hasina thang nai rastrapati bhavan o, aro thangwi hani kasku Draupadi murmu bai achuglai mwng khwlai nai. abo ni ulo cha salni hor ni flight bai teisa kiphilwi phai nai dhaka o.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
