Kokti salo haste o bo palai jak nani nai tong kha International Olympic Day. ah salno kitingwi cha salo kaisa kokthum panda songsai rwkha Tripura olympic association ni bwkhaktwi. Thung mwng ni bising twi sak no kaham toni nani bagwi bisi brum brum ni hai 23 june salmari o international olympic day songsa jakha, hayung ni joto thai o no dal bidal panda ni bising twi panda songsa jakha, abo ni logi bharat hakotor ni dal bidal thai o international olympic day songsa jakha, ah sal no kiitngwi kokti salni phung o kaisa rally songsai rwkha rajakhor aguli o. kokti salni phung o rajakhor aguli ni rabindra satabarshiki bhavan ni bwskang ni simi kaisa rally songsa jaknai, ah rally o olympic association ni kai bwrui chi motha ni samwng khwlainai tei thung nai rok phawi manjak phai nai, ah rally o phawi manjak phai nani bagwi montri, MLA tei dagiphang song no bo invite khwlai jak kha, cha salo kaisa kokthum panda khwlawi abo hai khe no samani nukjakha haste olympic association ni chairman Ratan saha. ah panda o phawi manjak phai mani nukjakha, Tripura olympic association ni achugphang Biseshwar nandi tei tangphang Sujit roy akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
