Cherai rogno hamya chamung rio hinwi koksilsajak kha anganwadi centre ni sebok. patimung Subhas nagar navin palli amchai ni anganwadi kendra ni sebok Sharmistha Pal no kebengwi. jolijakgwi centre oh tala rioi rikha amchaini lukurog. Rwng swrwngnai rogni swrwng mungo jai kwrwi wngmani tei raida no kaham naikulya wngmani mamla no rwksai tabok koksilsajak kha Subhas nagar navin palli amchai ni anganwadi kendra ni sebok Sharmistha Pal no kebengwi. jolimani bagwi no ah anganwadi oh tabok tala rioi rikha amchaini lukurog thansa khe. jolilai mani bagwino cha salo koktwma thumnai rogbai kwrwngwi joto kokno sakha amchaini lukurog. borog sakha , anganwadi kholokjakmani jora wngkha Phung dam sni oh. phiya aro sebok Sharmistha pal hinkhe dam chi eba 10 am oh anganwadi kholokgo.amoni bagwi aro pori tongnai cherai rogni swrwng mungo kebengmung phaiwi tongkha.amchaini lukurog teibo koksilsa kha , anganwadi ni cherai rogni bagwi kwbangma marini chamung rog phaio haphangn bwkhaktwi. phiya ah chamungno cherai rogno kaham khe riya sharmishtha pal . aro je chamung rog cherai rogno rijakgwi tongo amo rogbo chana bagwi kaham wngya. mai tei soya beans rogo yong kwlaijak mang hinwi sakha amchaini lukurog. waisa woiso hinkhe kosok tok twi hamya wngjak rgno cherai rogno charijakgi hinwi sakha borog. agi rogo bo kwbangma koklam no twiwi sharmistha pal bai kok banglai kha amchaini lukurog. phiya tabokni jorao hinkhe belaino jolijak amchaini lukurog. tei khaksa phaisingo anganwadi ni sebok sharmistha pal ni bwkhaktwi saimankha , je swk nango aswk no chamung charai rogno rijakgwi tongo. tei jorani bisino no angnawdi centre oh hapbo bo. tabok naina banta oh mamla no twiwi tamo yapri nahar haphang.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
