Hayung bai baksha khe hakotor ni logi haste o bo 10th international yoga day palai laikha, abo no kitingwi haste ni dal bidal motha ni bwkhak twi palai laikha yoga day. pha salo rajakhor aguli ni bir bikram memorial college bwskang o yoga day palai laikha. Sak rok kaham toni nani bagwi agi ni simi no nugwi phai kha yoga bwsuk jora twi chini sak ni bagwi kaham, abo ni bagwi hakotor ni montri bokhorok Narendra modi ni luajimung bai hayung gwnagui no yoga khwlai mani nukjakha, abo simi ya, kwdukma bisi ni kahai 21 june sal mari o international yoga day palai jago, pha salo 10th international yoga day palai jak kha hayung gwnagui no. abo ni logi haste o bo dal bidal motha ni bwkhak twi songsa jakha samwng bwtang, ah salo rajakhor aguli ni bir bikram memorial college bwskang o international yoga day ni panda no songsai rwkha 13 Tripura battalion NCC. NCC north east region directory ni sep bai ah panda songsa jakha, panda o NCC ni cadets rok yoga khwlai mani nukjakha, ah panda no kitingwi 13 Tripura battalion NCC ni commanding officer Rajsekhor saklaikha, hakotor ni kaisa kaham nahar mwng ungkha yoga khwlai mani, abo belai khe no sak ni bagwi nangkuk mani, ah sakthar mwng no joto ni phasing tisai rwna ni bagwi 10th international yoga day o samwng bwtang songsai rwjakha. ah salo rajakhor aguli ni 14 school ni cadets khwlainai rok phawi manjak phai kha.abo no karwi bo dal bidal college ni NCC unit ni bwkhak twi panda songsa jak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
