Swrang salo kwtal campus no songsai rwkha montri bokhorok Narendra modi. Nalanda university ni kwtal campus o montri bokhorok no karwi bo phawi manjak phaikha foreign minister S joysankar, bihar ni haste pha Rajendra bisawnath arlekar, montri okra Nitish kumar tei Nalanda university ni chancellor Arvind panagariya.Nalanda University ni kwtal campus no songsai rwkha montri bokhorok Narendra modi. waitham ni bagwi montri bokhorok ungwi swmai nahar mani ulo bihar o Narendra modi ni puila sarkari ni bwkhaktwi naina thangkha, ah salo aro thangwo kok narugna phuru montri bokhorok sakha, ang kha phur jak je wai tham ni bagwi montri bokhorok ungwi swmai nahar mani sal chini bising o Nalanda university nai nani sep mankha, Nalanda kaisa mwng ya, abo bharat hakotor ni bagwi kaisa sini mwng.Modi abo ni swkang bo bihar ni kwcham Nalanda university berai naikha, lai thanai 2016 bisi o rastra sangha ni thai hwnui gosi mwng rwmani, ah salo “X” handle o montri bokhorok modi sakha, chini swrung mwng ni bagwi kaisa kwthar sal. songsa jak mani panda o foreign minister S joysankar, bihar ni haste pha Rajendra bisawnath arlekar, montri okra Nitish kumar tei Nalanda university ni chancellor Arvind panagariya phawi manjak phaikha,Australia, Bangladesh, Bhutan, Brunei, Cambodia, China, Indonesia, Laos, Mauritius, Myanmar, New Zealand, Portugal, Singapore, South Korea, Sri Lanka and Vietnam ni kahai kai chi sini hakotor ni kwchug thai ni naikol nai rok bo phwi manjak phaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
