Phatar haste ni khorok sa sidhi kwran ni bania khwlainai no romkha GRP thana ni police, bini thani 21 kg sidhi kwran mankha police, romjak nai ni mwng Ramu kumar, nok bihar haste o hwnui saimankha. Haino hai sidhi kwran ni logi phatar haste ni khorok sa bania khwlainai no romkha agartala rail station GRP thana ni police. patimwng tang sal ni sanja jora agartala rail station o. romjak nai ni mwng Ramu kumar, nok bihar haste o hwnui saimankha. huijak koktwma ni bising twi GRP thana ni police tang sal ni sarig o agartala rail station o naitug mwng khwlaikha, naitug mwng o ah sikla no rail station o phawi hab tong mani nukha police, abo ni ulo bono romwi swng mwng khwlai khe bo sakha, bini logi sidhi kwran tong o hwnui, abo ni ulo police bini bag o naitug mwng khwlawi 21 kg sidhi kwran mankha , ah sidhi kwran rok bo bihar tei delhi o twlangwi thang nai hwnui sakha police no, ah salo no agartala rail station GRP thana ni police okra naikolnai Tapash das kokthum thumnai ni bwskang o sawi khuna rwkha.NDPS dhara bai dorbar no yago twi cherwi naikol tong kha police, romjak nai Ramu kumar no police remand sanwi kwrak salo adalat o tisajak nai hwnui sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
