Pachimbanga o loksabha chongmari no twi choprob jagwi kwbangma BJP ni samwng khwlainai rok sago dukhu mankha, ah habar no naikol nani bagwi BJP ni rastriya achugphang JP nadda, kai bwrui ojama ni kaisa bodol pachimbanga o rohorkha. ah kai bwrui bodol ni chiarman chonghor jakha haste ni dagiphang eba kwcham montri okra Biplab kumar deb no, kokti salni horo no ah bodol pachimbanga o thangwi sogwi kha, airport ni simi direct maheshwari bahvan o thangkha BJP ni ah bodol. borok thangwi kok sakha je nok yakrawi kharwi tong nai BJP ni samwng khwlainai rok bai,ah kai bwrui bodol no logi manwi choprob jak nai rok kwbangma no kok silsamwng khwlaikha, tang salo BJP ni kai bwrui ojama ni kai bwrui bodol coochbihar o thangkha, abo ni swkang kokthum thumnai ni bwskang o ah bodol ni ungwi naikolnai eba haste ni dagiphang Biplab kumar deb kebeng mwng khwlaikha. trinamul ni adong jwk eba montri okra Mamata benarjee ni phasing khuk kengkha Biplab kumar deb. pachimbanga o abo hai habar ung mani joto nono naicherwi naikolnai BJP ni rastriya achugphang JP nadda ni ah kai bwrui ojama ni bodol.tei ah bodol o phawi manjak phai kha dagiphang Robi sankar prasad, dagiphang Brijalal tei dagiphang jwk Kobita potidar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
