Tang salni phung ni 8.45 am o agartala ni simi thang mani sealdah ni phasing kanchanjunga express accident ungkha, khung sa malbahi train bai thutailaikha kanchanjunga express, pati mwng patikha pachimbangla ni darjeeling bai khobjak rangapani amchai o. ah pati mwng o tabuk sak jora thwi kha khorok char loku rok tei sago dukhu mankha khorok tham chi ba loku rok, tang salni dipor jora mahakaran o kokthum panda khwlawi sakha haste ni sarastra sachib Pradip kumar chakraborty. kokthum panda o bo saklaikha, accident ni koktwma man mani logi logi no dati khe sago dukhu man nai rok no sakham nogo twlang nani sep khwlai jakha, tei sago dukhu man nai rok ni sak naikol mwng ni bagwi bag-dogra sakham nogo bo bhorti khwlai jakha, bo saklaikha, kokti salni phung ni 8.50 am o agartala station ni simi sealdah ni phasing kanchanjunga express lam rwmani, ah express tarin o 23 cooch tong mani, abo ni bising o 21 pasenger cooch tei kai nwi VP percel cooch tong o. bo teibo saklai kha, haste hapang ni bwkhak twikaisa bodol no pati mwng thaio rohorkha, tang salni sarig ni bising o no ah bodol pati mwng thaio thangwi sogwi nai, ah bodol sago dukhu man nai rok no naikol nai, bo teibo saklaikha rail accident o haste ni khorok sa phano thwi khe ah thwi thang nai nok ni borok rok no 2 lakh khwlawi rang chubalai nai hwnui gosimwng rwkha haste ni montri okra Dr.Manik saha, abo ni logi accident o sago dukhu mannai rok ni saknaikol mwng o je rang nang nai abo rok bo montri okra rwnai hwnui sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
