koktisalo Eid al-Adha, Eid al-Adha no bwskango toniwi no phasalo Udaipur Chanban Jame Mosjid bwskango kaisa panda songchakha Jalal Khidmat Al Insan Foundation ni Chairman Ali Ashrab Mia eba Jalal Mia. Kurbani eid no kitingwi haste ni kwbangma thai oh 3 thousand kwrwi lukorog no richum bagwi rikha bo. Thorok bosongni joto ni sai kotor dharmani ter wngkha Eid al-Fitr tei Eid al-Adha. Phainai koktisalo Eid al-Adha, bini tei kaisa mung wngkha Kurbani eid. Eid al-Adha no bwskango toniwi no phasalo Udaipur Chanban Jame Mosjid bwskango kaisa panda songchakha Jalal Khidmat Al Insan Foundation ni Chairman Ali Ashrab Mia eba Jalal Mia. Asalni panda oh Jalal Mia amchaini kwrwi lukorog no richum bakkha. Asalni panda oh Chanban Madrasa ni rwng swrwngnai rokni yagu Deep Freeze yapharwi rikha. Aboni bagwi no foundation ni chairman Jalal Mia sakha, kurbani eid joto ni bisingo hamkrai ni boyer tubuthung. Kurbani eid no kitingwi haste ni kwbangma thai oh 3 thousand kwrwi lukorog no richum bagwi rikha bo. Bo sakha, kwthar eid no kitingwi kwrwi lukorog ni mwkhango mwnwimung tubuna bagwi no borokni yagu richum ni manwi khwnwi yapharwi rijakha. Bo teibu sakha, Tabokswk jora 23 to 2400 kwrwi lukorog no richum bakjakha. Phainai koktisal jora teibu 700 kwrwi lukorog ni bisingo richum bakjaknai hinwi sakha bo. Asalo Jalal Mia teibu sakha, phainai salo bo abohai samung bwtang khwlaiwi thanai bo, abohai yapri naharmano kha-phurjaklaikha Udaipur hangkhor ni lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
