Umar nwi chi bisi ni khorok sa sikla ni langma chokha, thwi thangnai sikla ni mwng Abhi sarkar.pati mwng Teliamura thana bai khobjak krishnapur kami panchayet ni nayanpur amchai o, amchai ni oku rok ni samwng pati mwng no twi kaham khe cherwi naikolna bagwi bobo hai khe thwi thangkha sikla chula.
Laithanai kwrak salo Teliamura thana bai khobjak north krishnapur kani panchayet ni nayanpur kami ni tongnai Abinash sarkar ni busajwla Abhi sarkar nok gana ni no bini khorok sa bayap ni nogo thang mani, ahh romna bagwi no bini bayap ni nogo thang mani, kwdukma jora ni ulo bayap ni nokni simi sak rok hamya ungwi nogo kiphilwi phaikha Abhi sarkar, bini buma bono swng mwng khwlai khe bo sakha, boo choprobkha hwnui. nogo kiphil mani ulo no bohok samani logi tei bo sak rok hamya ungwi tong mani nukjakha, kwrak sal ni horo no sak rokhamya ung mani bagwi Teliamura bwkhaste sakham nogo tubwi phaikha, swrang salo rajakhor aguli ni GB sakham nogo refer khwlai rwkha, GB sakham nogo sak naikol mwng ni jora o no langma chokha Abhi sarkar ni. ah salo no mang kwthui nayanpur ni sak ni nogo tubwi phai kha, sangrong salo pati mwng no twi thwi thangnai Abhi sarkar ni buma saklaikha, bayap ni nogo ah romna bagwi thangwi sak rok hamya ung mani bagwi nogo kiphilwi phaikha, bono bwtok khwlai kha hwnui kok silsamwng khwlaikha buma.tei khak sa phasingkhe khorok sa sikla Abhi sarkar thwi mani pati mwng o kami ni loku rok ni kok silsamwg, bwtok khwlai mani bagwi no Abhi sarkar sk rogo dukhu mankha, tei khak sa phasing khe kami ni loku rok ni kok silsamwng bo kwdukma sal romwi no drug’s chao hwnui. abo ni bagwi bo thikha na hwnui, pati mwng no twi amchai ni loku rok wanalaijak, pati mwng no twi kaham khe cherwi naina bagwi sanmwng tisakha amchai ni loku rok.
