Kwrak salni horo aulini Milan Chakra CNG station gana oh kaisa lahar patimungo thwikha khorok sa koktwma thumnai Samaresh Raha. Thwinai Samaresh ni nog Krishna nagar amchai oh hinwi saimankha. Kwrak salni horo nogo kiphilwi tongmani jora oh okolokni simi khungsa malkhung thutaiwi riphaikha Samarsh ni bike oh, aboni yagulo ulta pulta wngwi ha oh kwlaikha Samaresh. Patimungni koktwma manwi patimung thai ni khochawi Samaresh no khochawi Hapania sakham nogo twlangkha, Aboni yagulo ILS sakham nogo twlangmani yagulo thwikha Samaresh. Bini omar tham chi hinwi saimankha. Swrang salo bini mangkwthwi Agartala press club oh twlangwi paithakni borom rikha Agartala press club ni joto koktwma bwbakni adongsng. Samaresh ni thwimani koktwma manwi belai no kha khamjakha haste ni mung gwnang koktwma bwbak ni adong Pranab Sarkar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
