Kwrak salo vote ni result ni ulo delhi o BJP ni sadar tang bedek o bodol ni samwng khwlainai rok bai achuglai mwng khwlai kha modi.phwi manjak phai kha BJP ni sarba bharatiya achugphang JP.nadda, Amit shah, Rajnath singh. NDA hapang ni waitham ni bagwi phan o phai mani abo belai khe no tongthok lai mani sal, 2014,2019 abo ni ulo 2024 bisi ni loksabha chongmari o kwplai ungkha montri bokhorok Narendra modi.lai thanai bisi ni se kisa kom thai man phano phan o phai nai hwnui sai manwo BJP ni sadar tang nok ni simi hakotor ni joto loku rok ni bagwi kok narugkha montri bokhorok. abo ni swkang ‘X’handle bo post khwlaikha.wai tham ni bagwi montri bokhorok ung mani bagwi hakotor ni loku rok no hambai yapharwi kok narukha modi. bharat ni democracy no kwplai ungkha hwnui sakha ah salo modi. bo teibo saklai kha, hakotor ni loku rok NDA no wai tham ni bagwi hapang o phan rwma ni bagwi hambai. abo hakotor ni joto ni swlai kotor kwplai mwng. abo sabka sath sabka biskah ni kwplaimwng, 140 crore bharatiya ni hamjakma. BJP ni samwng khwlainai rok no bo hambai yapharkha modi. phiya ba hakotor gwnagui BJP ni result no twi mwng sa bo kok saliya modi. oridsha o BJP hapang khator mani, andhra pradesh o thansa ungwi TDP phan o pha mani kok samani nukjakha modi no.Nitish kumar ni mwng bo samani nukjakha, keral o puila achugthai mankha BJP,2024 bisi ni chongmari o kwplai ung mani ulo modi ni khung o NDA alliance ni kok kasai phai mani bo nukjakha, 2014 bisi o NDA hapang no phan o phai mani, modi no montri bokhorok ung mani, joto hakotor ni loku rok no logi twi samwng khlainai hwnui sakha modi. dal bidal haste o je bodol no tong thung ang logi twi no samwng khwlai thang nai, tei hakotor ni mwng kwchug o karwnai hwnui sakha modi. wai tham ni bagwi phan o phawi bikshit bharat samwng khwlainai hwnui sakha modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
