Hakotor ni joto haste tei kendra naikolnai anchal o vite kaham khe no paikha, tang salo kai nwi kai tham thai o simi Re-election ungkha, kwrak sal eba 4 june sal mari o phologwi rwjak nai 2024 bisi ni loksabha vote ni result. result saklai jak khe no phai tong nai bisi ba ni bagwi sabo ni yago tong nai hakotor naikol nani barja, abo ni swkang kokthum thum nai ni bwskang o chongmari commissioner Rajib kuamr kok samani nukjakha, loksabha chongmari o kaham no record khwlainai Bharat. commissioner Rajib kumar saklaikha, bharat o 642 million eba 64.2 crore voter vote rwkha ah mari G7 ni hakotor ni voter rok ni se joto ni swlai kwbang. lai thanai bisi ni se taklai ni Re-election ni mari komikha. commission saklaikha, 2019 bisi ni loksabha chongmari phuru je thai o 540 Re-election ung mani tabuk aro rogo taklai bisi o simi 39 thai o Re-election ungkha. laithanai bisi rok ni se joto ni swlai vote kwbang kwlai kha jammu tei kashmir o abo hai khe no saklai kha chongmari commission. commissioner saklaikha, kwchug sakha ni loku rok jani jani manthai sai mano, commissioner teibo saklai kha, taklai no puila vote o mwng sa suk samwng hamya ungliya, pachimbanga, tripura ni kahai thai rogo agi tamo ung abo joto no nugwi mano, taklai bisi o kaham habar ni bising twi vote ung rwna ni bagwi bisi nwi romwi no samwng bwtang chengwi rwjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
