Amchaini chwng pherangni tar no kaham khe khatonjaknai bagwi ah tar nangwi thwi kha masa pon. oh patimung teibo kotor wngmano hinwi jolijakgwi lama kasulai kha amchaini lukurog. patimungo shantir bazar bwkhasteo. Chwng pherang tang bedekni samungo kaham naikulmung kwrwi wngmani bagwi jora kisa kisa hinkhe langma arioi tongo tongkosong lukurogni. tabok hinkhe chwng pherang tang bedekni khamkhiyali wngmani bagwi tabok masa pon thwikha. patimungo shantribazar bwkhaste oh khobjak salthang Chorokbai amchaio. amchaini lukurogni koksilsamung , chwng pherangni tar choi kwlaima yagulo tang bedekni sebokrog ah tar no haino khatroi simi kwlangwi thangkha. yagulo ah tar nangwi no thwikha masa pun. amchaini borok rog sakha , oh patimung teibo kotor wngwi mankhamo hinwi. amchaini tar chojakni bagwi tongkosong lukurogbo thang laisu khwlaina bagwi jwngjalo kwlaio. omo kk rogno tang bedekni engineer Jiban Debnath no sakjak khe lukurogni logio no hamya halok phunukgwi kotokgwi rohoro. amoni bagwino jolijakgwi amchaini lukurog chorokbai amchaini lamano kasulai kha. patimungni koktwma manwi aro thangwi sogwi kha DCM tei shantir bazar ni chwng pherang tang bedekni SDO no khobwi kubuni adong rog. ah salo amchaini lukurog bai koklam khwlaimani yagulo borogni jwngjak rogno datino mwthakjaknai hinwi kok rijakma ulon lama kasuma no rosai naharjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
